Psa 122 | TwiNAK | STEP | Wɔka kyerɛɛ me se, “Ma yɛnkɔ Awurade fi” no, mʼani gyei.

Psalms 122

Yerusalem nkamfo

1 Wɔka kyerɛɛ me se, “Ma yɛnkɔ Awurade fi” no, mʼani gyei.
2 Afei yegyina Yerusalem apon mu wɔ ha.
3 Yerusalem yɛ kurow a ɛyɛ fɛ na asomdwoe wɔ mu.
4 Ɛha na mmusuakuw no fi,
Israel mmusuakuw no a, wɔrebɛda Awurade ase sɛnea nʼahyɛde no te no.
5 Israelhene tena ase bu ne nkurɔfo atɛn.
6 Bɔ asomdwoe mpae ma Yerusalem se, “Ma wɔn a wɔdɔ wo no nkɔso.
7 Ma asomdwoe mmra wo man mu na banbɔ mmra wʼahemfi.”
8 Mʼabusuafo ne me nnamfo nti, meka kyerɛ Yerusalem se, “Asomdwoe nka wo!”
9 Yɛn Awurade Nyankopɔn nti, mebɔ mpae srɛ nkɔso ma wo.